د پکتیا پوهنتون رهبري شورا نوبتي ناسته وشوه.
د پکتیا پوهنتون رهبري شورا نوبتي ناسته وشوه.
چهارشنبه د ۱۴۴۶ کال ذوالقعدې میاشتې ۱۶مه، چې د ۱۴۰۴ ه ش کال غويي میاشتې له ۲۴مې سره سمون لري، د پکتیا پوهنتون رهبري شورا نوبتي ناسته وشوه.
د رهبري شورا ګډه ناسته کې چې د پکتیا پوهنتون رئیس مولوي صاحب عبدالحکیم حمدي، د پوهنتون مرستیالانو او د پوهنځيو رئیسانو برخه درلوده، پیل یې د قران پاک په څو مبارکو ایاتونو سره وشو.
لومړی د پکتیا پوهنتون رئیس مولوي صاحب عبدالحکیم حمدي د رهبري شورا برخوالو ته ښه راغلاست او هرکلي ویلو ترڅنګ له ټولو برخوالو څخه د زړه له تله مننه وکـــــــــــــــړه، چې تل ورسره په ټولو چارو کې پوره همکاري کوي.
پوهنتون رئیس همدارنګه په خپلو خبرو کې په کندهار کې د لوړو زده کړو وزارت د قدرمن وزیر صاحب په مشرۍ د لوړو زده کړو وزارت ترسره شوې رهبري شورا پرېکړې له برخوالو سره شریکې کړې او ورته یې د عملي کولو په برخه کې لازمې سپارښتنې هم وکړې.
ښاغلي حمدي د خپلو خبرو پر دوام د لوړو زده کړو وزارت او نورو لوړ پوړو ادارو د احکامو عملي کول ضروري یاد کړل، چې پر اساس یې دوی بریالیتوب ته رسېدلی شي او ډېر څه په اسانۍ سره تر لاسه کولای شي.
پوهنتون رئیس همدارنګه د پوهنتون له شته امکاناتو څخه ښه استفاده چې د محصلانو په عملي روزلو کې خورا مهم تمامیږي اړین وبلل او د علمي معیار د لوړاوي لپاره یې د ځانګړو طرزالعملونو په جوړولو هم ټینګار وکړ.
وروسته له ترتیب شوې اجنډا سره سم پر یو لړ موضوعاتو لکه: په نېکه طریقه د احکامو پر عملي کېدلو، په ۱۴۰۴ کال کې د پروژو پر ترسراوي، د تدریسي روغتون د چارو پر ښې سمبالتیا او ځینو نورو موضوعاتو بحث وشو او په اړه یې لازم تصامیم هم ونیول شول.
