د ۱۴۴۶ کال، ربیع الاول ۲۹مه، پکتیا پوهنتون پکتیا پوهنتون کې د مونوګراف او علمي راپور لیکنې سمینار دائر شو.
چهارشنبه د ربیع الاول (۲۹)مه په پکتيا پوهنتون کې د علمي څېړنو مرستیال پوهندوی دوکتور عبدالوهاب حکمت له لوري د کرنې پوهنځي د بېلا بېلو څانګو د څلورمو ټولګيو محصلینو ته د مونوګراف او علمي راپور ليکنې سمينار ارائه شو.
د پوهنتون د علمي څېړنو مرستیال پوهندوی دوکتور عبدالوهاب حکمت د سمینار ګډونوالو ته د ښه راغلاست ویلو ترڅنګ له هغوئ سره د څېړنو معاونیت، پر جوړښت، دندو او صلاحیتونو پوره مالومات شریک کړل.
ښاغلي حکمت د خبرو پر مهال د څېړنو معاونیت له مېتودونو څخه یو هم د محصلینو له لوري مونوګراف لیکنه یا پروژې ترسره کول یو اساسي او بنسټیز مېتود یاد کړ.
وروسته ښاغلي حکمت په خپل ترتیب کړي پریزینټېشن کې لاندې موضوعات تشریح کړل.
۱: د مونوګراف له پاره د موضوع ټاکل
۲: د مونوګراف ليکنې مرحلې
۳: د لارښود استاد ټاکل
۴: د ټولنيزو او طبيعي علومو د مونوګراف ليکنې شکلي او معنوي جوړښت
۵: د لارښود استاد مسؤليتونه
۶: د لارښود استاد د محروم کېدلو شرايط
۷: د مونوګراف دفاع او ترتيب
سمینار د ګډونوالو پوښتنو ته په ځواب ویلو همدارنګه د نظریاتو په شریک کولو او دعائې ویلو سره پای ته ورسېده.
