Education Faculty Years Reports

لومړی برخه

کړنې

تدريسي کړنې

۱). د ۱۴۰۰ کال د حوت میاشتې  په ۱۵ مه نېټه د ۱۴۰۰ کال د وروستي سمسټر درسونه د دریو اوونیو لپاره له تحصیلي نصاب سره سم ورته درسي مهالوېش ترتیب او عملاً  پیل شو. په یاد سمسټر کې درسونو په تشدیدي بڼه جریان درلود او له دریو اونیو وروسته یې وروستۍ ازموینې د ۱۴۰۱ کال د وري میاشتې پر درېیمه نیټه پیل او د همدې میاشتې تر پایه یې دوام وکړ.

۲). د پوهنځي د څانګو په کچه د دواړو سمسترونو لپاره تدریس د ښه والي پلانونه جوړ شوي وو او د سمستر په جریان کې له ځينو برخو پرته چې مالي امکاتانو ته يې اړتیا وه او یا يې ترسره کول په لوړو ادارو پورې تړاو درلود. لکه پوهنځي او څانګو ته د تخنیکي سامان آلاتو په واک کې ورکول او له څه نورو ستونزو پرته نورې ټولې کړنې په ښه شکل عملي شوې دي؛ د سمسترونو په پای کې د تدریس د ښه والي له پلانونو څخه راپورونه جوړ شوي دي.

۳). د دواړو سمسترونو په جریان کې ټولو استادانو خپلې کورس پالیسی او درسي مواد (چیپټرونه) د دواړو سمستر په لومړیو اونیو کې تکميل د محصلينو په اخیتار کې يې او  د فرعي مضامينو استادانو خپل درسي مواد ( چیپټرونه) محصلينو ته په خپل وخت ورکړي، مګر د ځینو استادانو د چپټرونو په ورکړه کې ځنډ لیدل شوی.

۴). استادانو خپل درسي چیپټرونه له مفرداتو سره په ورتوالي جوړ کړي دی. د دواړو سمسترونو په جریان کې د نصاب او کريکولم له کميټې سره په مشترک ډول د استادانو چیپټرونه د هغوی له کورس پالیسیو سره کتلی دی او ټولو استادانو تقريبا خپل پروګرامونه د پلان سره سم تعقيب کړي ؤ.

۵). په دواړو سمسترونو کې نهايي ازموينې پوښتنې د ازموينې کميټې له طرزالعمل ته په کتو جوړهې شوې وې ټولې پوښتنې له ازموينې څخه دری ورځې مخکې ترتيب شوې وې، د ازموينو نتایج په خپل ټاکلي وخت اعلان او هیڅ کومه لويه ستونزه پکې نه ده لیدل شوې.

۶). د څانګو څخه د عملي کار  او ورکشاپونو لپاره د محصلان بېلابېلو کورسونو ته معرفي شوي  او په تريننګونو کې يې ګډون کړي دي.

۷). استادانو د سمسترونو په جريان کې د پوهنتون په داخل کې په سيمنارونه ګډون کړي دي، د امرباالمعروف رياست او نورو بېلابېلو ادارو څخه چې کوم (طرزالعملونه، مکتوبونه او خبرتیاوې) راغلي دی، هغه ټولو قدرمنو استادانو ته ابلاغ شوې دي، یعنې د پوهنځي په اعلاناتو بور‌‌‌ډ کې هم نصب شوې دي.

۸). د څانګې استادانو د خپلو علمي ترفعاتو په موخه کنفرانسونه وړاندې کړي دي، او نورو استادانو او د پوهنځي محصلانو هم پکې ګډون کړی دي. 

۹). د ۱۴۰۱ کال دویم ( خزاني) سمسټر درسونه هم د سنبلې پر لومړۍ نېټه پیل شول. له تحصیلي نصاب سره سم ورته درسي مهالویش ترتیب او عملاً استادانو د خپلو مضمونونو تدریس پیل کړ. 

۱۰). د علمي کادر غړو د یاد سمسټر په بهیر کې ، پوهنځي او پوهنتون په کچه په بېلا بېلو  کمېټو کې فعال ګډون درلود.

۱۱). د سمسترونو  په جریان کې امر او د څانګو غړو ځاني ارزونې ترسره کړې او د فیډ بک په رڼا کې یې د درسي بهیر د پیاوړتیا په  موخه خپلو پلانونو کې ځای پر ځای کړي.

 ۱۲). د اسلامي ثقافت د مضمون په هکله چې د وزارت څخه یې په هر ټولګي کې د کریډیټونو د شمیر د زیاتو په برخه کې پوهنځي ته مکتوب رارسیدلی،  اړوند محتوا یې کاپي، مضامین يې په کریکولم کې ځای پر ځای او د درسي مهال ویش له مخې یې تدریس اوسمهال جریان لري.

۱۳). ۲۰٪  ازموینه د استادانو له خوا د اتمې اوونۍ په پای کې له زده کړیالانو څخه  واخیستل شوه.

۱۴). د همدې سمسټر نهایي ازموینې چې د عقرب  د میاشتي پر ۲۱ مه نیټه پیل او د قوس میاشتې تر ۱۰ مې نیټې پورې يې دوام درلود، په پوره شفافیت او د لوړو زده کړو وزارت د ازموینو له لایحې سره سمې ترسره شوې. د نهایي ازموینې نومرې  د  HEMIS سیسټم  په شقو کې د استادانو لخوا څخه سیسټم ته اپلوډ شوې.

دويمه برخه

کړنې

اداري او اکاډمیکې کړنې

۱۵). د برحالو او فارغو محصلانو نتایج د بیاکتنې په موخه څانګو ته ليږل شوي و، چې د آمر او استادانو له اړینو سمونونو څخه وروسته اړوندې ادارې ته د وروستیو کړنو په موخه بیرته راليږل شوي و.

۱۶). د پوهنخي او د ټولو څانګو ټولې چاري او پلانونو د له ستراتيژیک پلان سره په هماهنګی اجرا کيږي.

۱۷). د دواړو سمسترونو په پای کې استادان د محصلينو په واسطه د پوره شفافیت له مخې ارزیابي شوي نتایج يې تحلیل او راپور يې د کیفیت ارتقا اصلي کمیټې سره شريک شوی دی. 

۱۸). پوهنځي رياست د محصلینو سره د هغوی د ستونزو د حل په موخه په دواړو سمسترونو کې جلسې نیولې او لازمې مشورې او سپارښتنې يې ورته کړې دي.

۱۹).ډیری استادانو  خپلې مقالې په نړيوالو او ملي  ژورنالونو کې خپرې کړې دي.

۲۰). د پوهنځي ټولو کمېټو خپل کاري پلانونه ترتيب کړي وو.

۲۱). د محصلينو او استادانو د ګتې اخېستو لپاره په پوهنځي کې PDC خونه بيا فعاله شوه.

۲۲). په پوهنځي کې د ۱۱ ګونو معيارونو سره سم د ټاکلي مهال ويش سره سم د پوهنځي په کچه د کيفيت رامنځته کول.

۲۳). د پوهنځي اړوند درې کادري او يو اداري پرسونل د نوښتونو او وړتيا په موخه تقدير شول.

دريمه برخه

کړنې

د استادانو او مديرانو تقرر،  ترفيعات او انفکاک

په دې برخه هغو استادانو او مديرانو چې تقرر، انفکاک او ترفعيات  يې کړي ښودل شوي.

۱). لاندې جدول د ۱۴۰۱ کال ښوونې او روزنې پوهنځي د استادانو ترفيعات ښيي

۲). لاندې جدول د ۱۴۰۱ کال ښوونې او روزنې پوهنځي د استادانو تقرر ښيي

۳). لاندې جدول د ۱۴۰۱ کال ښوونې او روزنې پوهنځي د مديرانو تقرر ښيي

۴). لاندې جدول د ۱۴۰۱ کال ښوونې او روزنې پوهنځي د مديرانو انفکاک ښيي

وړانديزونه
د ښوونې او روزنې پوهنځی هغه وسائيل چې اړتيا ورته لري په لاندې ډول يې تاسو ته وړاندې کوو.

۱). په ټولګيو کې د ټيکنالوژيکي وسائيلو کموالی.

۲). د ټولګيو کموالی.

۳). د کتابخانې لپاره مدير ته اړتيا.

۴).د استادانو کمبود.

۵). د مديرانو کمبود.

۶). د غونډو تالار د مجهز لپاره وسائيلو کموالی.

۷). د لابراتواري وسائيلو کموالی.

۸). اداري کارکوونکو لپاره د ظرفيت لوړونې ورکشاف.