د ۱۴۴۴ کال، رمضان المبارک ۱۰ مه، پکتیا پوهنتون
شنبه د انجنیري پوهنځي له لوري نویو بریالي شویو زده کړیالانــــو ته د ښه راغـــــلاست او د پوهنتون له چاپیریال سره د بلدتیا په پار ځانګړي مراسم نیول شوي وه. مراسمو کې چې د انجنیري پوهنځي رئیس پوهنمل حمیدالله صدیقي ددې پوهنځي استــادانو او مـــحصلینو برخه درلوده، پیل یې د قران پاک په څو مبارکو ایاتونو سره وشو.
ناستې ته لومړی د دې پوهنځي رئیس پوهنمل حمیدالله صدیقي خبرې وکړې، هغه نویو بریالي شویو زده کړیالانو ته د ښه راغلاست او مبارکي ویلو ترڅنګ له هغوی څخه وغوښتل چې د سمستر له پیل څخه دې درسونه تعقیب کړي او هیڅ کله دې د نورو فرصتونو په تمه خپل قېمتي وخت نه ضایع کوي.
ورپسې د څانګو امرینو او استادانو له اجنډا سره سم ورکړل شوي موضوعات چې په ټوله کې یې هدف د زده کړیالان خپلو مسؤلیتونو ته متوجې کول وه، تشريح کړل.
د یادونې وړ دی، چې تر دې وړاندې د ښوونې او روزنې پوهنځي له لوري هم نویو بریالي شویو زده کړیالانو ته د ښه راغلاست ورته مراسم نیول شوي و.
ناسته د ستاینلیکونو پر وېشلو او دعائې ویلو سره پای ته ورسېده.
نشراتو او عامه اړیکو عمومي مدیریت
