پکتیا پوهنتون کې د ژبو او ادبیاتو پوهنځي د ژورنالیزم څانګې بېلا بېلو ټولګیو محصلانو ته درې ورځنی روزنیز ورکشاپ پیل شو.
پکتیا پوهنتون کې د ژبو او ادبیاتو پوهنځي د ژورنالیزم څانګې بېلا بېلو ټولګیو محصلانو ته درې ورځنی روزنیز ورکشاپ پیل شو.
دوشنبه د ١٤٤٦ ه ق کال ذوالقعدې میاشتې په ١٤مه، د پکتیا پوهنتون محصلانو خدمتونو او همغږي آمریت له لوري د ژورنالیزم څانګې بېلا بېلو ټولګیو محصلانو ته درې ورځنی روزنیز ورکشاپ پیل شو.
د جوړ شوي درې ورځني روزنیز ورکشاپ د پیل په مراسمو کې چې، د پکتیا پوهنتون رئیس مولوي صاحب عبدالحکیم حمدي، د پکتیا اطلاعاتو او کلتور رئیس مولوي ثواب جان اسلام یار، د پکتیا پوهنتون شرعیاتو پوهنځي رئیس مفتي صاحب محمد عمر فضلي او محصلانو برخه درلوده، پیل یې د قران پاک په څو مبارکو ایاتونو سره وشو.
لومړی د پکتیا پوهنتون رئیس مولوي صاحب عبدالحکیم حمدي د ورکشاپ برخوالو ته ښه راغلاست او هرکلی وویلو.
پوهنتون رئیس همدارنګه خبرو پر مهال په اسلامي ټولنه کې د ژورنالیزم او رسنیو پر ارزښت هم ګټور مالومات له برخوالو سره شریک کړل.
ښاغلي حمدي د خبریال لپاره په خپل مسلک کې د هغه صداقت او رښتینولي دین، خاورې او ټولنې ته ژمنتیا ضروري یاد کړل، چې پر اساس یې خپل اصلي هدف تر لاسه کولای شي.
پوهنتون رئیس همدارنګه د خپلو خبرو پر مهال رسنۍ د ټولنې سترګې او د حکومت څلورمه قوه یاده کړه.
ورپسې د پوهنتون شرعیاتو پوهنځي رئیس مفتي صاحب محمد عمر فضلي په اسلام کې د ژورنالیزم او مطبوعاتو پر ارزښت او څرنګوالي له ګډونوالو سره بشپړ مالومات شریک کړل.
ښاغلي فضلي د دین، خاورې او نظام د ساتلو لپاره د رسنیو او مطبوعاتو پر رول او اهمیت هم ګډونوالو ته مالومات ورکړل.
ورپسې د پکتیا اطلاعاتو او فرهنګ رئیس مولوي صاحب ثواب جان اسلام یار پر سالم رسنیز خدمت او د ټولنې اړتیا باندې د ورکشاپ ګډونوالو سره مالومات شریک کړل.
وروسته په پکتیا کې د حریت خبریال محمد عمر ځواک د ورکشاپ پر راتلونکو دوو ورځو کې د شاملو تیوري او عملي زده کړو پر موضوعاتو د ورکشاپ له برخوالو سره مالومات شریک کړل.
د یادونې وړ دی، چې د ورکشاپ پر راتلونکو دوو ورځو کې به هم د ژورنالیزم څانګې بېلا بېلو ټولګیو محصلانو ته د مسلک اړوند پر یو شمېر نورو موضوعاتو باندې عملي او نظري زده کړې ورکړل شي.
