د ۱۴۰۱ کال، مرغومې ۱۳مه،پکتیا پوهنتون
د علمي شورا ناسته ددې پوهنتون د محصلانو چارو مرستیال پوهنمل محمد نعیم وصال تر رهبري لاندې دائره شوه.
ناسته کې چې د پوهنتون مرستیالانو، پوهنځیو رئیسانو، امرینو او استادانو برخه درلوده، پیل یې له معمول سره سم د مولوي محمد خان روحاني له لوري دقرانکریم په څو مبارکو ایاتونو وشو.
ورپسې د محصلانو چارو مرستیال پوهنمل محمد نعیم وصال د ناستې ګډونوالو ته د ښه راغلاست ویلو ترڅنګ هغوی ته په چارو کې د بریا هیله څرګنده کړه.
نوموړي له استادانو څخه وغوښتل چې خپلو ټولو فعالیتونو ته چې په علمي ډګر کې یې کوي، وده ورکړي او هیڅکله دې د خپل ځوان نسل د روزلو هڅې نه دریغ کوي.
وروسته ناسته کې له اجنډا سره سم د ډیپارټمنټونو د چارو پر انسجام، د استادانو پر تقرر، ترفېعاتو او یو شمېر نورو مسائلو بحث وشو او د ځینو موضوعاتو په اړه وروستی تصمیم هم ونیول شو.
نشراتو او عامه اړیکو عمومي مدیریت
