د پکتیا پوهنتون مالي او اداري چارو معاونیت تر چتر لاندې اداري ناسته دائره شوه.
د پکتیا پوهنتون مالي او اداري چارو معاونیت تر چتر لاندې اداري ناسته دائره شوه.
یکشنبه د ۱۴۴۷ ه ق کال د ربیع الاول میاشتې ۲۸مه، چــــــــــــــــــــــې د ۱۴۰۴ ه ش کال وږي میاشتې له (۳۰)مې نېټې سره سمون لــــــــــــــــــــــــري، د پکتیا پوهنتون مالي او اداري چارو معاونیت تر چتر لاندې اداري ناسته دائره شوه.
په جوړه شوې اداري ناسته کې چې د محصلانو چارو مرستیال اصف الرحمن خپلواک، مالي او اداري چارو مرستیال سیف الله محمدي، د بېلا بېلو شعبو آمرینو او اداري کارمندانو برخه درلوده، پیل یې د قران پاک په څو مبارکو ایاتونو سره وشو.
لومړی د پوهنتون مالي او اداري چارو مرستیال سیف الله محمدي د ناستې برخوالو ته د ښه راغلاست او هرکلي ویلو ترڅنګ د ناستې له ټولو برخوالو څخه مننه وکړه، چې د لوړو زده کړو قدرمن وزیر صاحب د سفر پر مهال یې د پروګرام پر ترتیب او تنظیم کې ورسره بشپړه همکاري وکړه.
ښاغلي محمدي همدارنګه د ناستې برخوال کارمندان وهڅول څو له دوی سره د ظرفیت لوړونې او نورو پروګرامونو کې باید فعاله ونډه ولري او همدارنګه یې په راتلونکي کې د کارمندانو د هڅونې په پار د ځانګړې تشویقي برنامې پر جوړولو هم له برخوالو سره مالومات شریک کړل.
ورپسې د پکتیا پوهنتون محصلانو چارو مرستیال اصف الرحمن خپلواک د خبرو پر مهال د مالي او اداري چارو له معاونیت څخه ځانګړې مننه وکړه، څو د کارمندانو د همغږي او هڅونې په پار ځانګړي پروګرامونه په پلان کې لري.
ښاغلي خپلواک همدارنګه په خپلو خبرو کې له اداري کارمندانو څخه غوښتنه وکړه، څومره چې امکان لري کوشش دې دا وکړي، څو ټول مراسلات پر خپل وخت ځواب او اړوند ادارې ته یې په واک کې ورکړي.
وروسته له ترتیب شوې اجنډا سره سم پر یو لړ موضوعاتو بحث وشو او په اړه یې لازم تصامیم ونیول شول.
