د پکتیا پوهنتون د نظم ډسپلین کمېټې نوبتي ناسته دائره شوه.
د پکتیا پوهنتون د نظم ډسپلین کمېټې نوبتي ناسته دائره شوه.
سه شنبه د ۱۴۴۷ ه ق کال د ربیع الاول میاشتې ۱۶مه، چــــــــــــــــــــــې د ۱۴۰۴ ه ش کال وږي میاشتې له (۱۸)مې نېټې سره سمون لــــــــــــــــــــــــري،د پکتیا پوهنتون د نظم ډسپلین کمېټې نوبتي ناسته دائره شوه.
د کمېټې په جوړه شوې ناسته کې چې د پکتیا پوهنتون محصلانو چارو مرستیال اصف الرحمن خپلواک د کمېټې غړو استادانو او اداري کارمندانو برخه درلوده، پیل یې د قران پاک په څو مبارکو ایاتونو سره وشو.
لومړی د پکتیا پوهنتون محصلانو چارو مرستیال اصف الرحمن خپلواک د کمېټې برخوالو ته د ښه راغلاست او هرکلي ویلو ترڅنګ د کمېټې له غړو څخه مننه وکړه، چې تل ورسره د نظم ډسپلین کمېټې په چارو او فعالیتونو کې ورسره فعاله ونډه اخلي.
هغه همدارنګه د کمېټې له برخوالو څخه غوښتنه وکړه، چې نویو شامل شویو محصلینو ته دې د نظم ډسپلین کمېټې کړنلاره په یوه ځانګړي سمینار کې تشریح کړي او راپور دې د نظم ډسپلین عمومي کمېټې ته را ولیږي.
وروسته د ترتیب شوې اجنډا سره سم پر یو شمېر موضوعاتو بحث وشو او په اړه یې لازم تصامیم هم ونیول شول.
