د ۱۴۴۴ کال، محرم الحرام ۲۵ مه، پکتیا پوهنتون
د ۱۴۴۴ کال، محرم الحرام ۲۵ مه، پکتیا پوهنتون
نن سه شنبه د علمي شورا ناسته ددې پوهنتون د رئیس پوهنمل عبیدالله اخندزاده تر رهبرۍ لاندې وشوه
ناسته کې چې د علمي چارو مرستیال پوهنمل سیف الرحمن روهي، محصلانو چارو مرستیال پوهنمل محمد نعیم وصال ، پوهنځیو رئیسانو او څانګو امرینو برخه درلوده، پیل یې د قرانکریم په څو مبارکو ایاتونو وشو.
لومړی د پوهنتون رئیس پوهنمل عبیدالله اخندزاده د ناستې ګډونوالو ته د ښه راغلاست ویلو تر څنګ د پسرلني سمستر پر وروستیو ازموینو چې په ښه ډول پای ته ورسېدې خوښي وښوده او په دې برخه کې یې د پوهنځیو له رئیسانو او استادانو څخه ځانګړې مننه وکړه، چې تېر سمستر یې په پوره بریالیتوب سره پای ته ورساوه.
پوهنتون رئیس د کادري روغتون د بشپړ فعالولو لپاره د یوه پروسیجر جوړول ضرور وګڼل، چې په خبره یې له کمو امکاناتو څخه پوره ګټه پورته کړای شي.
ورپسې د علمي چارو مرستیال پوهنمل سیف الرحمن روهي د تېرې ناستې د پریکړو پر تعقیب مفصل مالومات د ناستې له ګډونوالو سره شریک کړل.
وروسته ناسته کې د علمي شورا د غړو ترمنـــــځ پر بېلا بېلو موضوعاتو لکه: د خزاني سمستر پر پیل ، استادانو پر علمي ترفیعاتو، د علمي رتبو پر تثبیت ،د ځینو ډيپارټمنټونو د چارو پر انسجــــام او په اجنډا کې شاملــو نـــورو مــوضوعاتو بحث وشو او د یو شمېر مسایلو په اړه وروستی تصمیم هم ونیول شو.
ناسته د اختتامیه دعا په ویلو سره پای ته ورسېده.
د نشراتو او عامه اړیکو عمومي مدیریت
ــــــــــــــــــــــــــــــ
