د حقوقو او سیاسي علومو پوهنځي د استادانو له لوري د ترسره شویو څېړنو د پایلو شریک کولو په موخه کنفرانس دائر شو.
د حقوقو او سیاسي علومو پوهنځي د استادانو له لوري د ترسره شویو څېړنو د پایلو شریک کولو په موخه کنفرانس دائر شو.
چهارشنبه د ۱۴۴۷ ه ق کال صفرالمظفــــــــــــــــــــــــــــــــر میاشتې ۱۹مه، چــــــــــــــــــــــې د ۱۴۰۴ ه ش کال زمري میاشتې له ۲۲مې، سره سمون لري، د حقوقو او سیاسي علومو پوهنځي د استادانو له لوري د ترسره شویو څېړنو د پایلو شریک کولو کنفرانس د مسلکي پرمختیا مرکز په تالار کې دائر شو.
له اړوند ادارو سره د ترسره شویو څېړنو د پایلو شریک کولو په جوړ شوي کنفرانس کې چې د پکتیا پوهنتون علمي څېړنو مرستیال پوهندوی دوکتور عبدالوهاب حکمت، د پکتیا ولایت مقام، پکتیا بهرنیو چارو، عدليي، د فرامینو او احکامو د تعقیب او نظارت ریاستونو مسؤلینو او استازیو برخه درلوده، د سمینار پیل د معمول سره سم د قران پاک په څو مبارکو ایاتونو سره وشو.
لومړی د پکتیا پوهنتون علمي څېړنو مرستیال پوهندوی دوکتور عبدالوهاب حکمت له لوري د کنفرانس برخوالو سره په څېړنه کې د دې معاونیت له لوري د ترسره شویو چارو او فعالیتونو په اړه مالومات شریک شول.
ورپسې د پکتیا پوهنتون د حقوقو او سیاسي علومو پوهنځي د استاد پوهنمل عبدالمتین جلیلي (فرصت های همګرايي منطقه يی برای افغانستان) او پوهنمل استاد محمد ولي سجاوندي د (مجرمینو په اصلاح او تربیه کې د جزايي مؤیداتو د تطبیق څرنګوالی) تر سرلیکونو لاندې موضوعاتو باندې د ترسره شویو څېړنو پایلې د اړوند ادارو له مسؤلینو سره شریکې شوې.
