کرنیزاقتصاد او پرختیا څانګه

لرلید

د کرنیز اقتصاد او پراختیا څانګه به د پکتیا پوهنتون په چوکاټ کې د هیواد په کچه د تدریس، څیړنې او علمي خدماتو په برخه کې یوه مخکښه څانګه وي.

ماموریت

د ټولنې او بازار اړتیا ته په کتو سره متخصصو کادرونو روزل. د علمي تجربو او مهارتونو پر مټ د کرنې سکتور علمي، عصري او پایداره کرنې لپاره هڅې تر سره؛ تر څو ټولنه، سیمه او هېواد د چټکې پراختیا، پایداره رفاه او خوراکي توکو په ډګر کې ځان بسیاینې لور ته رهبري کړي.

موخې

ټولنې ته د کرنیز اقتصاد او پراختیا په برخه کې د ليسانس په کچه د علمي، فني او مسلکي کادرونو وړاندې کول.
د موجوده سرچینو د ښه مدیریت او رهبري پر بنسټ د استادانو او محصلانو شخصیت او ظرفیت لوړول.
د کار بازار اړتیاوو په پام کې نیولو سره محصلانو ته د داسې مسلکي چاپېریال برابرول، او د اړونده علمي طرحو، آرونو او تیوريګانو لېږد او تطبیق کول.
له شته سر چینو څخه په ګټه اخیستنې د علمي څېړنو او ترویجي کړنو په پام کې نیولو سره دوامداره پرمختګ رامنځته کول.
د لوړو زده کړو وزارت څخه د کیفیت لوړاوي په برخه کې د اعتبار سند تر لاسه کول او ساتل.
د کرنیز سکتور عصري کولو په پار بزګرانو او مالدارانو ته د مناسبې ټکنالوژي ورپېژندل او ترویجي خدمتونه وړاندې کول.

محمد معصوم حسین خېل

د کرنیز اقتصاد او پراختیا څانګې آمر

د کرنیز اقتصاد او پراختیا څانګې لنډه تاریخچه

کرنیز اقتصاد او پراختیا څانګه د یو تحصیلي واحد په توګه په ۱۳۸۷ هـ.ش کال، د کرنې پوهنځی په اډانه کې را منځته شوه. د کرنیز اقتصاد او پراختیا څانګې په ۱۳۹۳ ل ل کال د لومړي ځل لپاره د کانکور ازموینې له لارې محصلان جذب کړل.

د کرنیز اقتصاد او پراختیا څانګه د پکتیاپوهنتون د کرنې پو هنځی هغه تدریسي، څېړنیز، اداري او بنسټیز علمي واحد دی، د دې لپاره کار کوي چې څنګه محدودې سرچینې په موثر او مطلوب ډول د نباتي او حیواني تولید د لاسته راوړلو لپاره ځانګړې شي. همدارنګه د کرنیزو تولیداتو بازار موندنه، د کرنې د نویو روشونو خپرښت، احصایوي تحلیلونو، د ځېړنیزو پروژو مدیریت، تمویل، د کرنیز معاملاتو مدیرت، کلیوالي پراختیا، کرنیزې پلانګذارۍ او د فارم مدیرت اړوند فعالیتونه، د څېړنې او بزګر تر منځ د اړیکو ټینګښت او داسې نور اړوند فعالیتونه تر خپل پوښښ لاندې راولي. د کرنیز اقتصاد او پراختیا څانګه د کریکولم مطابق د پوهې کچې او سويې لوړولو ته د زمینې په برابرولولو سره د زده کړیزو تطبیقاتو، زده کړییزو پروژو، سمینارونو او د زده کړیالانو او استادانو د کنفرانسونو د چارو پر مخ بولو ترڅنګ، د خدمتونو وړاندي کولو په موخه د علمي څیړنو چارې پر مخ وړل او تنطیمول په غاړه لري. یاده څانګه د زده کړو پلانونو او برنامو د ترتیب او کنترول سربیره د تحصیلي بورسونو، زده کړو برنامو او د دیپارتمنت د علمي کادر د غړو د علمي او څیړنیزو برنامو د مستحقو کارمندانو معرفي او د علمي کادر غړو د آثارو ارزونه، چې له نورو مراجعو څخه دیپارتمنت ته رالیږل کیږي هم له خپلو دندو څخه بولي.