!د زرغون چاپیریال لپاره بل ګام
د زرغون چاپیریال لپاره بل ګام!
د انجینري پوهنځي رییس ښاغلي پوهنیار حمیدالله صدیقي، د انجینري پوهنځي د تضمین کیفیت آمر ښاغلي پوهنمل سید مرآغا معنوي، د مهندسي څانګې استاد ښاغلي پوهنیار قیوم شاه آرغوان او ښاغلي پوهنیار محمد طاهر زماني لخوا د پکتیا پوهنتون رییس ښاغلي پوهندوی ډاکټر سیدولي جلالزي او د اداري چارو مرستیال ښاغلي محمدالله ګردیزي ته د نوموړي پوهنځي د استادانو او محصلانو په زیار او هڅو د پوهنتون د بېلابېلو شنو ساحو (لېنډ سکېپ) طراحي او ډیزاین اسناد چې (۷) پروژې کیږي و سپارل شول. د پوهنتون رییس او رهبري د دوی دغه کړنې او هلې ځلې د پوهنتون د سرسبزۍ او ښکلا په برخه کې ستایي او له دوی څخه مننه کوي. د پوهنتون رییس او د مالي او اداري چارو مرستیال ورته د نوموړو پروژو د پلي کولو په هکله پوره ډاډ ورکړ او وویل چې موږ به د دې پروژو د پلي کولو په برخه کې خپلې ټولې هڅې جاري وساتو.
اداره
