خبرتیا
خبرتیا!
د لوړو زده کړو وزارت له لوري د هېواد د ټولو دولتي پوهنتونونو او مؤسسو خالي علمي کادري بستونه د ازاد رقابت له لارې اعلان ته سپارل شوي دي، چې د نوم لیکنې او ازموینې اخیستنې لپاره یې د زونونو مرکزي پوهنتونونه ځانګړي شوي دي. دا چې د پکتیا او شیخ زاید پوهنتونونو، د پکتیکا او لوګر لوړو زده کړو مؤسسو لپاره مرکزي پوهنتون د (پکتیا پوهنتون) ټاکل شوی دی، نو ټول هغه په شرایطو برابر وروڼه او خویندې چې غواړي د خپلې خوښې علمي کادري بست ته نوم لیکنه وکړي، باید لاندې اړین توکي له ځانه سره ولري.
۱- د وزارت له سایټ څخه د بست د اعلان کاپي
۲- یو قطعه عکس
۳- په ملي ژبه د نمرو اصل ترانسکرپت
۴- د دیپلوم رنګه کاپي
۵- د تذکرې رنګه کاپي
۶- پلاستیکي دوسیه
یادونه: یادو علمي کادري بستونو ته د لېسانس، ماسټر او دوکتور په سویه علمي کادرونه نوم لیکنه کولای شي.
د نوم لیکنې لپاره د استادانو لوی مدیریت ته مراجعه وکړئ.
د نوم لیکنې د پای نېټه: ۵ / ۱۲ / ۱۴۰۰
